म सोँचिरहेछु पाप लाग्नेछ तिमीलाई ।
मेरा आँशुहरुको श्राप लाग्नेछ तिमीलाई । ।
समय सँधै एकनाश कहाँ रहन्छ र
कुनैदिन त पक्कै विलाप लाग्नेछ तिमीलाई । ।
मैले देखेका सपना निमोठेर गा’छ्यौ
एकदिन हत्याराको छाप लाग्नेछ तिमीलाई । ।
पाप धुरीबाट कराउँछ भन्छन्
नसोँच्नु सँधै फलिफाप लाग्नेछ तिमीलाई । ।
भेटियौ भने कतै, अवश्य निखन्नेछु
मलाई रुवाएको हिसाब लाग्नेछ तिमीलाई । ।
0 comments :
Post a Comment