एउटा मान्छे

Tuesday, January 24, 2017

मुक्तक

Posted by Mahabir Bishwakarma

on 10:41 AM

केही कुरा नभुलिने विगत बनेर बस्छ ।
सम्झिरहने सँधै आदत बनेर बस्छ । ।
समयले लगाउँछन् चोटहरु अनेक
केही निको हुन्छ, केही खत बनेर बस्छ । । ।

मुक्तक

Posted by Mahabir Bishwakarma

on 10:21 AM

No comments

मैले आँशुमा पनि खुशी मनाइरहेँ ।
जे जे भन्यौ त्यसमै सहमति जनाइरहेँ । ।
पत्थरसँग थियो, मेरो मनको साइनो
फेरी पनि सिसाकै घर बनाइरहेँ । । ।

कवि असरफ

Posted by Mahabir Bishwakarma

on 11:17 AM

No comments

कवि असरफ
मेरो देशमा नि थुप्रै कविहरु छन्
केही, तिमी बन्न नसकेका
अनि
केही, तिमी बन्न नचाहने
हुन त
केही ठ्याक्कै तिमी जस्तै पनि होलान्
तर
म भने रनभुल्लमा छु कवि असरफ
मेरो देशमा मृत्युदण्डको प्रावधान नभएर हो कि
तिमी जस्तै कवि नभएर हो
न यहाँको राज्य सत्ता डराउँछ
न तिम्रा तिरका कविहरु
मेरा तिरका कविका लागि जुर्मुराउँछन्…!